ASHITH RAI T

                      ಮಡಿಕೇರಿಯಲ್ಲಿ ಅನ್ಯ ಸಹಪಾಠಿಯಬ್ಬಳ ಸಹೋದರಿಯ ಮದುವೆ ಮುಗಿಸಿಕೊಂಡು ಅವಳನ್ನು ಆಕೆಯ ಮನೆಗೆ ತಲುಪಿಸಲು ಕಾರಿನಲ್ಲಿ ಪ್ರಯಾಣ ಬೆಳೆಸಿದೆವು. ಇಕ್ಕಟ್ಟಿನ ದಾರಿ, ಕಾಫಿ ತೋಟಗಳನ್ನು ಸೀಳಿ ಗಗನಚುಂಬಿ ಸಿಲ್ವರ್ ಮರಗಳ ಮಧ್ಯೆ ಹಾದುಹೋಗಿತ್ತು. ಮಧ್ಯದಲ್ಲಿ  ಕಟಾವಾದ ಸಿಲ್ವರ್ ಮರಗಳನ್ನು ತುಂಬಿದ ಟ್ರಾಕ್ಟರ್, ಕೆಸರು ಮಣ್ಣಿನಲ್ಲಿ ಪರದಾಡುತ್ತಾ, ಇನ್ನೊಂದು  ಟ್ರಾಕ್ಟರ್‌ಗೆ ಕಟ್ಟಿ ಎಳೆಸಿಕೊಳ್ಳುತ್ತಿದ್ದ ದೃಶ್ಯ ನನಗೆ ಈಗಲೂ ನೆನಪಿದೆ. ಅವಳ ಮನೆ ತಲುಪಿ ಕಾಫಿ ಕುಡಿದ ನಂತರ ಹಿಂದಿನ ಅಂಗಳಕ್ಕೆ ಕರೆದು, ಅರೆ-ಬರೆ ಒದ್ದೆಯಾದ ಕಟ್ಟಿಗೆಯ ರಾಶಿಯ ನೇರ ಮೇಲಕ್ಕೆ ಕೈತೋರಿಸಿ ದೂರದ ಬೆಟ್ಟವನ್ನು ತೋರಿಸಿದಳು. ಮೋಡಗಳ ನಡುವೆ ಆ ಬೆಟ್ಟ ಮಬ್ಬಾಗಿ ಕಾಣುತ್ತಿದ್ದರಿಂದ ತಾರಸಿಗೆ ಹತ್ತಿ ಸುಧಾರಿಸಿದ ನೋಟಕ್ಕಾಗಿ ಪ್ರಯತ್ನಿಸಿದೆವು. ನೋಟ ಸುಧಾರಿಸದಿದ್ದರೂ, ತಾರಸಿ ಕಂಡೊಡನೆ ಮೇಲಿನಿಂದ ಕಾಣುವ ಕಾಫಿ ತೋಟದ ದೃಶ್ಯ, ಲಾಕ್ ಡೌನ್ ಸಮಯದಲ್ಲಿ ನಡೆದ ಕೆಲವು ಸ್ಪರ್ಧೆಗಳು ನೆನಪಿಗೆ ಬಂದವು. ಅವುಗಳಲ್ಲಿ ಒಂಟಿ ನೃತ್ಯವೂ ಒಂದು. ಸ್ಫರ್ಧೆ ಓನ್-ಲೈನ್ ಆಗಿದ್ದರಿಂದ ಕೆಲವು ಮನೆಗಳ ತಾರಸಿಯನ್ನು ನೋಡುವ ಭಾಗ್ಯ ನಮ್ಮದಾಗಿತ್ತು! ನಂತರ ಅಲ್ಲೇನೂ ನಮಗೆ ಸಮಯವಿರಲಿಲ್ಲ. ನಾವು ನಮ್ಮ ಊರಿನತ್ತ ಪ್ರಯಾಣ ಬೆಳೆಸಿದೆವು. ಮುಂದಿನ ಕೆಳದಿನಗಳಲ್ಲಿ ಅವಳ ತಾಯಿ,"ಮನೆ...